ពិតជាមិនធម្មតា! ឥណ្ឌា បាន​បាញ់​បង្ហោះ​ផ្កាយ​រណប​តូចៗ​ចំនួន ៣១​គ្រឿង​ ដើម្បី​ឃ្លាំមើល​ព្រំដែន

ប្រទេស​ឥណ្ឌា បាន​បាញ់​បង្ហោះ​ផ្កាយ​រណប​តូចៗ​ចំនួន ៣១​គ្រឿង​តាម​រយៈ​គ្រាប់​រ៉ុកកែត PSLV-C40 ទៅកាន់​ទី​អវកាស​នៅថ្ងៃ​ទី១២ ខែ​មករា​នេះ ដើម្បី​ធ្វើឲ្យ​ល្អ​ប្រសើរ​ឡើង​នូវការ​ឃ្លាំមើល​ព្រំដែន និង​ទទួល​បាន​រូបភាព​កាន់តែ​ច្បាស់​របស់​ភព​ផែនដី។

អង្គការ​ស្រាវជ្រាវ​អវកាស​ឥណ្ឌា (ISRO) បាន​បាញ់​បង្ហោះ​ផ្កាយ​រណប​ទាំងនេះ​ចេញពី​មជ្ឈមណ្ឌល​អវកាស Satish Dhawan ក្នុង​តំបន់ Sriharikota នៅភាគ​ខាងត្បូង​រដ្ឋ Andhra Pradesh។

សូម​បញ្ជាក់​ថា ក្នុង​ចំណោម​ផ្កាយរណប​ទាំង៣១​គ្រឿង ក្នុងនោះ​គឺមាន​តែ​១គ្រឿង​ប៉ុណ្ណោះ​ដែលជា​របស់​ឥណ្ឌា និង​ជា​ផ្កាយរណប​ទី​១០០ របស់​ប្រទេស​នេះ មាន​ឈ្មោះថា Cartosat-2 Series។ ចំណែក​ផ្កាយ​រណប​៣០គ្រឿងទៀត​ដែល​ត្រូវ​បាន​បាញ់​បង្ហោះ​ទៅកាន់​គន្លង​ផែនដី​ជាមួយ​គ្នា​នោះ គឺជា​របស់​ប្រទេស​ចំនួន៦ រួមមាន អាមេរិក បារាំង ហ្វាំងឡង់ អង់គ្លេស កូរ៉េខាងត្បូង និង​កាណាដា។

ផ្កាយរណបឥណ្ឌា ដែលត្រូវបានបាញ់បង្ហោះនាពេលកន្លងមក

អ្នក​វិទ្យាសាស្រ្ត​នៅ​អង្គការ ISRO បាន​បញ្ជាក់​ថា រូបភាព​ដែល​ប្រមូល​ដោយ​ផ្កាយរណប​​ទាំង​នេះ នឹងត្រូវ​ប្រើប្រាស់​ដោយ​ភា្នក់ងារ​សន្តិសុខ​ឥណ្ឌា ក្នុងការ​តាមដាន​សកម្មភាព​យោធា​របស់​ប្រទេស​ជិតខាង​ខ្លួន នៅតាម​ព្រំដែន​ដូចជា ប៉ាគីស្ថាន ចិន បង់ក្លាដែស ស្រីលង្កា និង​នេប៉ាល់៕

 

ដកស្រង់ដោយ៖ លោក ប៊ុត ហេង

ប្រភព៖ kleykley.sabay

error: Content is protected !!