ញាក់សាច់! កីឡាករ Mbappe​ នឹងយកលុយទាំងអស់ដែលរកបានពី World Cup ទៅជួយក្មេងកំព្រា

កីឡាករ Kylian Mbappe​ គឺជាកីឡាករវ័យ ១៩ឆ្នាំដ៏ឆ្នើមរបស់បារាំង ដោយកាលពីយប់ម្សិលមិញរូបគេបានរកគ្រាប់បាល់បានមួយគ្រាប់ក្នុងវគ្គផ្ដាចព្រ័ត ដែលធ្វើឲ្យ បារាំងលើកពាន World Cup ជាលើកទី២។

បើយោងតាមសារព័ត៌មាន msn.com បានចុះផ្សាយថា កីឡា​ករ Kylian Mbappe នឹងយកលុយថ្លៃនឿយហត់ទាំងអស់ដែលទទួលបានពីប្រកួតក្នុងព្រឹត្តិការណ៍ World Cup មកបរិច្ចាគឲ្យក្មេងៗកំព្រា និងពិការ នៅក្នុងអង្គការ remiers de Cordee ក្នុងប្រទេសបារាំង។ មិនតែប៉ុណ្ណោះ កីឡាកររូបនេះ នឹងឆ្លៀតពេលក្នុងការហ្វឹកហាត់កីឡា ដល់ក្មេងៗក្នុងអង្គការនេះផងដែរ។

បើតាមប្រសាសន៍របស់លោក Sebastien Ruffin អ្នកគ្រប់គ្រងទូទៅនៃ អង្គការ remiers de Cordee បានឲ្យដឹងថា បើពេលវេលាអំណោយផល កីឡាករ Kylian Mbappe​ ​នឹងអញ្ជើញមកទស្សនា អង្គការ remiers de Cordee ដើម្បីហ្វឹកហាត់កីឡាដល់ក្មេងៗ។ លោកបានបន្តទៀតថា Mbappe​ ពិតជាមានទំនាក់ទំនងល្អជាមួយក្មេងៗ ហើយគេតែងតែមានពាក្យល្អៗនិយាយជំរុញទឹកចិត្តក្មេងៗកំព្រា និងពិការឲ្យមានការតស៊ូក្នុងជីវិត។

ទាក់ទងនឹងទឹកប្រាក់ សម្រាប់ បរិច្ចាគឲ្យក្មេងៗកំព្រា និងពិការ យើងមិនដឹងថាលោក បរិច្ចាគប៉ុន្មានោះទេ តែគេសនិដ្ឋានថា កីឡាករវ័យ១៩រូបនេះ នឹងបរិច្ចាគ ប្រមាណ  ២២,៣០០ដុល្លារអាមរិកនៃរាល់គ្រប់ការប្រកួតក្នុង World Cup។

តាមពិតទៅ កីឡាករ Kylian Mbppe​ ចូលលេងឲ្យក្រុមជម្រើសជាតិបារាំងដោយចេញពីចិត្ត មិនគិតរឿងលុយថ្លៃនឿយហត់ក្នុងការប្រកួតឡើយ ដូច្នេះហើយទើបលុយដែលបានទាំងប៉ុណ្ណោះក្នុងព្រឹត្តការណ៍ World Cup គឺរូបគេយកទៅបរិច្ចាគឲ្យក្មេងកំព្រានិងពិការទាំងអស់។

គួរជម្រាបផងដែរថា កីឡាករ Kylian Mbppe គឺជាក្មេងប្រុសម្នាក់ដែលរស់នៅក្នុងតំបន់ក្រីក្រ ដែលពោពេញទៅដោយ ពួកឧក្រិដ្ឋជន និងអំពើភារវកម្មនៃតំបន់ជាយក្រុងបារីស។

ទោះបីជាគ្រួសារមានភាពក្រីក្រលំបាកយ៉ាងណាក៏ដោយ លោកមិនដែលមានចិត្តបោះបង់នូវការស្រឡាញ់មួយនេះជាដាច់ខាត​ ហើយតែងតែទៅធ្វើការហ្វឹកហាត់យ៉ាងទៀងទាត់​។ រឿងមួយដែលធ្វើ Mbappe កាន់តែមានកម្លាំងចិត្តនោះ គឺលោកយករូប Idol របស់គាត់គឺលោក Cristiano Ronaldo បិទពេញបន្ទប់គេង ដើម្បីមើលជាកម្លាំងចិត្តនៅពេលត្រឡប់មកហ្វឹកហាត់វិញ។

បច្ចុប្បន្នេះ កីឡាកររូបនេះ ជ្រកក្នុងទ្រនំក្លឹប Paris Saint-Germain Mbappe ហើយរូបគេជាកីឡាករវ័យក្មេងបំផុតដែលអាចរកចំណូលបា​ន​ ១.៧លានដុល្លារអាមេរិកក្នុងខែ៕

 

ដកស្រង់ដោយ៖ លោក ប៊ុត ហេង

ប្រភព៖ business-cambodia