ទីបំផុត! សិស្សនិទ្ទេស A ទាំង៤០៨នាក់ នឹងត្រូវជួបសម្តេច ហ៊ុន សែន នៅថ្ងៃ ……..

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចអនុញ្ញាតឲ្យសិស្ស ដែលទើបប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) និទ្ទេស A ចំនួន៤០៨នាក់ សម្រាប់​សម័យ​​ប្រឡង ២០ សីហា ឆ្នាំ២០១៨ ចូលជួបសំដែងការគួរសម នៅថ្ងៃទី០៨ ខែវិច្ឆិកា ឆ្នាំ២០១៨ខាងមុខនេះ។ នេះបើតាមសេចក្តីជូនដំណឹងរបស់ក្រសួងអប់រំ ដែលបណ្តាញព័ត៌មាន Fresh News ទើបទទួលបាននៅព្រឹកថ្ងៃទី៣១ ខែតុលានេះ។ក្រសួងបញ្ជាក់ទៀតថា ចំពោះឪពុកម្តាយរបស់បេក្ខជននិទ្ទេស A ក៏អាចមកចូលរួមជាមួយកូនរបស់ខ្លួនបានផងដែរ។

សូមជម្រាបថា ការប្រឡងសញ្ញាបត្របាក់ឌុប ឆ្នាំ២០១៨នេះ អ្នកប្រឡងជាប់៧៦,០៣៤នាក់ ស្មើនឹង៦៧.០៧ភាគរយ។ បេក្ខជនជាប់និទ្ទេស A មានចំនួន ៤០៨នាក់ និទ្ទេស B ចំនួន ២,២២២នាក់ និទ្ទេស C ចំនួន ៦,០៤១នាក់ និទ្ទេស D ចំនួន ១៥,១៨០នាក់ និងនិទ្ទេស E ចំនួន ៥,២១៨៣នាក់៕

តោះមកអានសារលិខិតខាងក្រោមនេះទាំងអស់គ្នា៖

 

ដកស្រង់ដោយ៖ លោក ប៊ុត ហេង

ប្រភព៖ freshnewsasia