មានឆ្ងល់អត់? មូលហេតុអ្វីបានជា ពេលមនុស្សស្លាប់គេតែងតែធ្វើទង់ក្រពើ?

បងប្អូន​ជាច្រើនពិតជាមានចំងល់ហើយមើលទៅ​ ថាតើហេតុអ្វីបានជាគេតែងតែធ្វើទង់ព្រលឹងនៅពេលដែលមានមនុស្សស្លាប់​ នេះ​គឺជាដំណើររឿងព្រេងមួយ​ដែលបានកើតឡើង​ ហើយបន្តមកដល់​បច្ចុប្បន្ន​។ ដោយមានដំណើររឿងព្រេងមួយមានតំណាលថា​ មានបុរសម្នាក់​ ដែលជាកូនជាទីស្រលាញ់របស់ឳពុក​ខ្លួន​ ក៏បានសុំឳពុក​ទៅរៀនសិល្បះនៅឯនរគរតក្កតសិលា​ ក្រោយពីបានរៀនចប់​ បុរសនោះក៏ចង់បន្ថែមនៅចំណេះបន្តទៀត​ ទើបសំរេចចិត្តលាគ្រូ​ រួចចាកចេញពីទីនោះដើម្បីទៅរកគ្រូផ្សេងទៀត​ ដើម្បី​រៀនវិជ្ជាបន្តទៀត។

លុះពេលក្រោយមក​ ក៏បានជួបនិងបច្ចេកពុទ្ធមួយដែលមានសេចក្តីជ្រះថ្លា​ មាណពក៏បានសុំរៀនវិជ្ជាជាមួយ​ តែ​បច្ចេកពុទ្ធ​តំរូវអោយមានការបួសសិនទើបអាចរៀនបាន​ ទើបមាណពក៏បានបួសរៀនជាមួយនិង​បច្ចេកពុទ្ធ​មួយអង្គនោះ​ រហូតក្លាយទៅជា​បច្ចេកពុទ្ធ​ដូចជាគ្រូដែរ​ តែ​អកុសល​បច្ចេកពុទ្ធ​អង្គនោះត្រូវបានស្លាប់ទាំងវ័យក្មេង​។

ក្រោយមកអ្នកភូមិក៏បានធ្វើបុណ្យ​ និងបញ្ចុះអដ្ឋិធាតុនៅក្នុង​ចេតិយ​មួយត្រង់ផ្លូវបំបែក​។ ឳពុក​ដោយបាត់ដំណឹងកូនយូរពេក​ ក៏បានចេញដើររកកូន​ ហើយក៏ទទួលដំណឹងថាកូនស្លាប់បាត់ហើយ​ ទើបមានការរន្ធត់ចិត្ត​ និងយំ​ ក្រោយមកឳពុកក៏បានយកទឹកមកស្រោចស្រពនៅលើចេតិយ​ និងបានយកក្រមាបង់ក​ ចងធ្វើជាទង់ទើបថ្វាយបង្គំត្រលប់ទៅវិញ។ អ្នកភូមិ​ក៏បាននាំគ្នាធ្វើតាមបុរសនោះនៅពេលដែលមានមនុស្សស្លាប់​ ទើបបានជាមានតំណាលតមកដល់​បច្ចុប្បន្ន​នេះ៕

 

ដកស្រង់ដោយ៖ លោក ប៊ុត ហេង

ប្រភព៖ vdoamazing