ញាក់សាច់ទ្រើតៗ! Lamborghini Huracán​ ពណ៌ក្រហមមានតែមួយនៅកម្ពុជា

កំពូល​រថយន្ត​ស្ព័រ​មុខ​កាច​ ​ខ្លួន​តូច​ ​ម៉ាស៊ីន​ខ្លាំង​ ​ហើយ​មាន​ពណ៌​ក្រហម​ដ៏​ឆើតឆាយ​ ​Lamborghini Huracán​ ​ម៉ូដែល​ឆ្នាំ​ ​២០១៥​ ​ដែល​មាន​តែ​មួយ​គ្រឿង​គត់​ក្នុង​ទីក្រុង​ភ្នំពេញ​ ​ត្រូវ​បាន​ដាក់​លក់​នៅ​ហាង​ទិញ​​លក់​រថយន្ត​ទំនើប​ថ្លៃ​កប់​តាម​បណ្ដោយ​មហាវិថី​ព្រះមុនីវង្ស។

Lamborghini Huracán​ ​ជា​ប្រភេទ​រថយន្ត​ស្ព័រ​រាង​តូច​បំពាក់​ដោយ​ម៉ាស៊ីន​ ​V10​ ​ចំណុះ​ ​៥,២​ ​លីត្រ​ ​កម្លាំង​ ​៦១០​ ​សេះ​ ​ហើយ​ភ្ជាប់​មក​ជា​មួយ​ប្រអប់​លេខ​ ​៧​ ​វគ្គ​ ​និង​អាច​បង្កើន​សន្ទុះ​ពី​ ​០​ ​ដល់​ ​១០០​ ​គីឡូម៉ែត្រ​ក្នុង​មួយ​ម៉ោង​ដោយ​ប្រើ​ពេល​ ​២,៨​ ​វិនាទី​ ​ហើយ​អាច​រត់​ដល់​ល្បឿន​ ​៣៣០​ ​គីឡូម៉ែត្រ​ក្នុង​មួយ​ម៉ោង។

ឥន្ធនៈ​សម្រាប់​រថយន្ត​នេះ​ ​ត្រូវ​ប្រើ​សាំង​ប្រភេទ​ស៊ុបពែ​ ​ហើយ​ការ​បើកបរ​រយៈ​ចម្ងាយ​ ​១០០​ ​គីឡូម៉ែត្រ​ស៊ី​ប្រមាណ​ ​១៤​ ​លីត្រ​ ​ហើយ​ចាក់​មួយ​ពេញ​ធុង​អាច​រត់​បាន​ ​៦៤២​ ​គីឡូម៉ែត្រ។ តម្លៃ​ ​Lamborghini Huracán​ ​ឆ្នាំ​ ​២០១៥​ ​នៅ​បរទេស​មាន​ប្រមាណ​ជាង​ ​២៦​ ​ម៉ឺន​ដុល្លារ៕

 

ដកស្រង់ដោយ៖ លោក ប៊ុត ហេង

ប្រភព៖ pressnews