កាន់តែស្រស់ស្អាតទ្វេរឡើង! ប្អូនស្រី ចាន់​ឡា​ បន្ទាប់ពីបាន​ផាត់មុខ​ ធ្វើ​សក់រួច​

ប្រិយមិត្តប្រាកដជាបានដឹងរួចមកហើយ​ ទាក់ទង​នឹង​មតិ​រិះគន់​ពី​មហាជន​មួយចំនួន​ចំពោះ​ពិធីការិនី​ និង​មិត្ត​រួម​ក្រុម​របស់​បេក្ខនារី​ ចាន់​ឡា​ ដែលមេីលទៅ​ហាក់​បីជា​មានការ​រេីសអេីងទៅលេី​រូបនាង​ ដែល​មា​ន​រូប​សម្រស់​មិនស្រស់ស្អាត​ និង​មិនមាន​សម្លៀកបំពាក់​ចូលរួម​បញ្ចេញ​សមត្ថភាព​ក្នុង​កម្មវិធី​ X Factor Cambodia មិនសូវ​សមរម្យ​ផងនោះ​ ។

ដោយ​ក្តី​ស្រលាញ់​ និង​អាណិត​អាសូរ​ពន់ពេក​​ ក៏មាន​ សប្បុរសជន​ជាច្រើន​ បានធ្វើ​ការ​ប្រកាស​ស្វែង​រក​បេក្ខនារី​ ចាន់​ឡា​ ដេីម្បី​ជួយ​ឧបត្ថម្ភ​ដល់ប្អូនស្រី​ដែលរួមមាន​ដូចជា​ សម្លៀកបំពាក់​ ការតុបតែង​មុខ​ ការ​កែ​សម្ផស្ស​ លេលាបខ្លួនអោយស​ និងថវិកាមួយចំនួនទៀតផងដែរ។

ជាក់ស្តែងកាលពីពេលថ្មីៗនេះ​ ប្អូនស្រី​ ចាន់​ឡា​ ក៏បាន​មកទទួល​នូវ​សេវាកម្ម​មួយទៀត​ គឺការ​ផាត់មុខ​ ធ្វើ​សក់​ ដែលក្រោយពី​បាន​ធ្វើ​រួច​ ពិតជា​ស្រស់​ស្អាត​ និង​ខុសប្លែកពី​មុនដាច់តែម្តង។

ជាមួយគ្នាផងដែរនោះ ​តាម​រយៈ​គណនី​ហ្វេសប៊ុក​ឈ្មោះ​ផេក​ឈ្មោះ​ Sasimi Cambodia បាន​ឲ្យដឹងថា​៖

«ថ្ងៃនេះប្អូនស្រី លៀង​ ចាន់ទ្បា ដែលជាបេក្ខនារីប្រលងនៅកម្មវិធី X Factor Cambodia បានមកទទួលការឧបត្ថ​ម្ភ​ និងថវិកា ពីក្រុមហ៊ុន Sasimi Cambodia ដោយផ្តល់ជូនពីនាងមុខសេះ ម៉ាដូណា»៕

 

អត្ថបទដោយ៖ លោក ប៊ុត ហេង

ប្រភព៖ ហ្វេសប៊ុក